害怕爭執的吵鬧　雄辯永當作嗌交
就算輕鬆的音效　亦動搖防護罩
眷戀虛假的安靜　逃避看也懶去聽
寧靜等於很安寧　謾罵輿論大戰　煞風景

成日話　相嗌唔好口　家和至萬事興
不論苦口婆心抑或嬉笑怒罵
總之講講講　就俾人話無建設性
低級趣味陰陽怪氣　破壞和諧穩定
畫漫畫　舞台劇　唱歌攞景贈慶
都係無非　研究下有問題嘅處境
說三道四　希望真理越辯越明
唔通睇見有問題　仲要默不作聲?

誰說靜悄無聲便算和平
矛盾未會消滅變無形
誰說異議絕跡　便有繁榮
矛盾定有一日會現形

繁重禁忌太多　欲言又躲
確實無助干戈
有話要講　正反搏擊過　從審判找結果
就算壓力再多　後院著火
繼續無忌高歌
深信大眾可爭鳴　方可有好日子過